Cəbrayıl rayonu üzrə Respublika  Fənn  Olimpiadalarının  rayon  turunda  282 şagird iştirak edib. Onlardan 43 nəfər Fənn  Olimpiadalarının  yarımfinal mərhələsinə  vəsiqə qazanmışdır. Final mərhələsində  5 nəfər  iştirak edib ki, onlardan  Vüqar Hüseynov adına  Daşkəsən kənd tam orta məktəbin  XI sinif şagirdləri Şahverdiyev  Sirac Mübariz oğlu tarix fənni  üzrə II yer(gümüş)  və Şahverdiyev  Məftun  Mübariz oğlu Azərbaycan dili fənnindən  III yer (bürünc) medala layiq  görülüblər.

Şahverdiyev  Sirac  Mübariz oğluilk dəfə  Fənn Olimpiadalarında VIII sinifdə oxuyarkən   tarix fənnindən iştirak etmiş və “Birincilərin birincisi“ olaraq qızıl medala layiq görülüb. Eyni zamanda  Sirac Şahverdiyev  IX və X sinifdə oxuyarkən də fənn olimpiadalarında iştirak edərək , medal qazanmışdır. Həmin şagirdlər  13 may 2018-ci il tarixində keçirilən ali məktəblərə qəbul imtahanında  iştirak edərək  Şahverdiyev  Məftun  685 bal və Sirac Şahverdiyev  isə 666  bal toplayıblar.